零成本溝女

上期教大家入馬場溝女，今期我則想講吓零成本溝女法。從某啲調查報告中，其實可以睇得出美國佬真係好莫財！點解咁講？事緣早前美國威斯康辛大學歐克萊爾分校研究員公布咗一項調查報告，表示男女之間係唔可能有純友誼關係。So？我性甸奴都想問一句，呢個報告同研究阿媽係咪女人有乜分別，唔係為呃經費我都唔知點解釋好！

只要係一個正常人，曾經有過異性朋友、拍過拖嘅都清楚知道，男女之間係好難有純友誼啦！尤其是男人，先當佢係「直」嘅，假設佢想主動同個異性做朋友，即係證明對方已有吸引佢嘅條件，我敢肯定佢99.9%係想啅人！相反如果囡囡係冇乜條件嘅，男人連睇佢面書都冇興趣！

呢份多餘嘅研究報告最有用嘅啟示，反而係要你留意「目標」囡囡身邊嘅男人。咪話我性甸奴唔醒你，女人身邊愈多「兵」，你嘅成功率就相對愈低，呢啲貼士聽落好廢，不過經驗話我知，一個有固定男友嘅女人係最易得手嘅，尤其係拍拖3年或以上嘅女人，假如你身邊有呢類「朋友」，而你又想嗒的話，唔使隨傳隨到咁戇居嘅，從今日起多啲主動喺面書Like佢，事無大小WhatsApp佢，記住只分享不談感情，久而久之，關係會愈來愈Close，當佢身邊嗰件佬發現你哋經常有來往扯晒火時，感情關係一定會轉差，愈差愈鬧得僵、愈僵件女就愈無助，呢個時候你再用一招以退為進：「Sorry呀！我以為大家係朋友關係，可以互相Share吓生活瑣事，為免你難做，我以後都係唔搵你喇……」話口未完，保證你好快有女主動送上門！呢啲賤招既係零成本，同時又可以對住N個女仔使用，如果最終一個都唔中，就抵你冇朋友啦！

性甸奴