張楊一純 神秘迷女郎

內地模特兒界競爭激烈，唔少Model為咗上位而自製新聞增加見報率，相反嚟自大連嘅靚女張楊一純卻十分低調，予人一份神秘感，因而吸引粉絲注意，唔需要製造新聞便成功上位。

出道兩年嘅張楊一純，究竟佢姓張定姓楊，抑或複姓張楊呢？真係冇人知道，皆因有關佢嘅報道好少，但係佢拍過嘅寫真就被點擊同轉貼超過一百萬次，其受歡迎程度媲美一級名模。由於一純甚少接受傳媒訪問，所以佢嘅背景係一個謎，因此有粉絲稱佢做「迷女郎」。

名車美女

大家唯一知道嘅，就係一純擁有一架白色歐洲名貴跑車，而且更以用家身份出席跑車公司嘅周年活動，所以有人估佢可能係富二代，甚至可能係官二代；名車美人配神秘背景，呢位「迷女郎」自然成為大家心目中嘅另類女神。雖然一純身份神秘，但係佢嘅工作態度十分認真，每次都會瞓身演出，難怪成為攝影師嘅寵兒。

全裸演出

喺一純嘅官網裏面有十多輯寫真，每一輯都性感誘人，睇到男士口水直流，事關一純樣子甜美，身材卻惹火，三圍有34-22-34，經常營造出波濤「胸」湧嘅效果，當中更不乏全裸演出，性感度爆晒燈，真係少啲定力都會睇到流鼻血呀！至於一純會唔會加入娛樂圈發展，暫時未有消息，不過對於粉絲嚟講，只要一純繼續拍多啲寫真滿足眼球，就已經足夠了！

張楊一純Profile

出生地：大連

三圍：34-22-34

身高：165cm

興趣：拍照