囡囡歌聲迷人
男人沉船嘅原因總離不開條女好索，波地正斗，十足Model咁款，再唔係就係囡囡嘅冧功好掂，氹到人暈晒大浪，但係好似樂仔嘅沉船理由，就真係前所未聞囉！話說早排我同佢相約喺深圳食飯，佢拖埋隻「船」出嚟，我上下打量她，坦白講唔算靚女，波地亦唔見得有睇頭，又唔係小鳥依人嗰隻，究竟呢條女有乜嘢吸引力呢？樂仔解釋：「佢唱歌好好聽o架！」原來樂仔好鍾意唱K，所以佢特別欣賞唱歌好聽嘅女仔，佢大讚呢個囡囡唱歌時把聲似足某個女歌星，令佢聽出耳油，冧到痹喎！真係估唔到佢係因為囡囡嘅迷人歌聲而沉船，我情願佢話鍾意條女嘅床技出色，相信仲有說服力囉！