世界波：閨房四寶做愛零舍Sweet

美國性健康心理專家凱斯．艾伯羅指出，夫妻93%嘅性活動都係喺睡房中進行，所以如何布置及改善睡房環境，係可以直接影響伴侶間嘅性生活質量。要知道美滿性生活係婚姻關係和諧嘅基礎之一，適合嘅睡房布置，絕對有助改善性愛質量。

試問一間亂七八糟又毫無氣氛可言嘅睡房，點可以令人提起性慾？所以美國性健康專家就提出咗幾個簡單重點，唔需要大費周章，或者花費一筆錢裝修，就可以為睡房增加氣氛，提高夫妻間性趣。既然咁簡單，為咗自己嘅性福着想，當然要好好了解一下。

舒適床品

一間睡房最重要嘅用品，當然係睡床，無論男女入到睡房做愛，總離不開上「床」，所以床褥一定要軟硬適中，床單被鋪一定要乾爽、明亮，偶爾更可換上桃紅或粉色系列嘅床單，刺激視覺效果，營造浪漫氣氛，令人更易動情。

柔和燈光

房間的光暗度，係令人動情嘅重要因素，太暗會令人昏昏欲睡，太光亮又完全投入唔到，最好選用一盞可調校亮度嘅床頭燈，令睡房嘅光線變得柔和、適中，好似加咗Soft鏡一樣，令伴侶睇起嚟都覺得靚啲，梗係容易動情啦！

活動鏡子

千祈唔好睇小一塊鏡嘅功效，專家認為當兩人做愛嘅時候，從鏡中反映看到彼此嘅親密動作同激情時，係可以增加性愛刺激感，就好似玩自拍一樣，但勝在唔會有證據留低。不過長期畀塊鏡照住，好易令人產生不安感，所以呢塊鏡一定要係可移動嘅，有需要時先調校合適角度就最完美喇！

鬆身睡衣

好多專家都認為裸睡比較健康，但亦有專家覺得穿上鬆身睡衣睡眠，既健康又可避免着涼，更可以令女人嘅身材若隱若現，增加吸引力。而男人亦大可只穿一條鬆身孖煙囪，雙方可以毫不費勁就潛入對方嘅重要地帶，感覺自然更加親密刺激，更易誘發性慾！