爛牙趕客

又見面喇！經過3期嘅鎅女技巧分享，你搞到幾多件女上手先？細佬坦白話你知，我只係啅咗7條新女啫，仲要係中女添！點解，咪因為「大隻仔」效應囉！當你班港男網民喺度「葡萄」港女去中環某時裝店摸大隻仔「發姣」時，我已經諗定計仔去執二攤，咁你明白點解有人成功啦？

當然，我冇大隻仔嘅肌肉線條，但我清楚知道8舊腹肌並唔係最重要，大隻之餘仲要有一排整齊白淨嘅牙齒，咁樣笑起上嚟先冧到女o架嘛！唔信嘅自己上網摷吓，邊啲大隻仔先吸引到女人注意？咪就係笑口「噬噬」嗰批囉！因此一棚靚牙至係致「性」關鍵，唔少港男正係衰喺棚牙度！

一般人認為鎅女條件係有錢、靚仔、有車有樓就包冇衰，我性甸奴靠把口都贏到你，事關大家都忽略咗，鎅女過程係由遠距離到零距離接觸，先由眼神鎖定，笑容行動到最後口舌相接，呢個時候，如果對方發現你棚牙「岩岩巉巉」、滿口煙屎甚至有口臭，仲邊有女肯同你去爆房？所以出嚟搵食，記得要執靚棚牙先，咁咪大把女等你食囉！

性甸奴

80後一名，天生好性，以食盡天下女人為人生唯一目標，口講重質，實情重量！誓要一日一女直至油盡燈枯。雖然先天能力不足，但靠後天壯陽餐單及經驗互補成為啅女達人！