世界波：精華解構 超乎想像的功效

多年來，各界都不斷提醒安全性行為有幾重要，皆因性病、愛滋病，又或肝炎等疾病，都可經由體液傳播，而且含有男性「精華」嘅體液更有可能令你「搞出人命」，大失預算。不過大家又知唔知道，原來男性「精華」，有好多超乎想像嘅神奇功效，係你聞所未聞嘅呢？

男性「精華」好少會成為討論話題，但每隔一段時間都總會有科學家或醫學研究人員發表相關研究報告，而近日美國紐約州立大學嘅研究就發現，原來「精華」內含抗抑鬱素，可令人心情愉悅、更易入睡，係真唔係呀？

心情愉悅

有專家指出，性愛能令女性愉悅，除咗因為高潮來臨時能為佢帶嚟快感之外，其實亦同賀爾蒙有關。根據美國紐約州立大學嘅研究指出，男性「精華」含有睾丸素（Testosterone）、雌激素（Estrogen）、催乳素（Prolactin）及大量前列腺素，可紓緩抑鬱及焦慮；研究更發現，相比起禁慾或經常使用安全套嘅女性，從不使用安全套嘅女性，會較少機會患上抑鬱或情緒病。

更易懷孕

性學家Kaylen Jackson於一篇文章中提及，若女性於懷孕前，經常為伴侶作「環保」口舌服務，她於懷孕期間會較少出現一般高血壓或妊娠高血壓等問題，據稱係因為於口舌服務過程中，女性有機會將部分精華吞落肚，令其身體有充分時間習慣外來男性DNA，因而令母體更易受孕喎，不過當然信不信由你啦！

養分超高

雖然男性「精華」味道帶腥，但原來「精華」竟然含有超高營養，除咗一般已知嘅蛋白質及維他命C之外，仲含有豐富嘅鈣、鎂、鉀、鋅，而且一茶匙「精華」只有約5至7個卡路里，比其他高營養食物更健康。不過大前提係，冇人會將佢當係食物囉！

壞牙兼過敏

男性「精華」聽落好似周身都係寶，但其實亦係一把「雙面刃」，因為只要男方下體不潔，便容易令所噴發嘅「精華」含有細菌，而口舌服務時，細菌會隨「精華」進入口腔，影響女伴牙齒健康，若然長期玩環保爆，更會引致蛀牙或牙齦炎等問題。此外有研究顯示，約有5%女性會對「精華」過敏，所以玩完一定要快啲刷牙或漱口喇！