百變舞孃性感火辣情難自控

曾經光輝一時嘅舞廳，已經成為麻甩佬嘅回憶，估唔到日本呢期興玩懷舊，喺涉谷開咗一間「百變舞廳」，吸引好多四十歲以上嘅中佬入場，希望可以重溫往日同舞孃嘅溫馨場面，令舞廳嘅生意愈做愈旺！

舞廳負責人都話估唔到生意咁旺，原本舞廳只係有肚皮舞孃、鋼管舞孃及西班牙舞孃，不過依家佢哋決定加碼，增設健身舞孃同埋脫衣舞孃，滿足客人唔同嘅口味。

抽水過手癮

呢啲舞孃除咗樣靚身材正之外，佢哋都曾經接受過舞蹈訓練，所以跳起舞上嚟有板有眼，舞姿誘人。而舞廳設計更跟足夜總會嘅格局，有大廳又有VIP房，但好多客人反而鍾意坐大廳，因為氣氛熱鬧得多，舞孃滿場飛，由第一張枱跳到最後嗰張枱，期間仲可以向舞孃抽吓水，大過手癮，自然玩得特別開心啦！

賣藝不賣身

不過亦有啲客人喜歡有私人玩樂空間，所以VIP房都一樣爆滿晒，依家想去玩都要早一個星期前訂房，仲要訂埋舞孃，等佢哋可以預先排練定當晚嘅舞蹈表演，性感火辣嘅舞姿，包保睇到人欲罷不能。咁認真嘅安排，難怪客源不絕喇！不過，唯一美中不足係客人唔可以喺房中同舞孃有親密接觸，事關呢班舞孃大部分都係賣舞不賣身，同客人喺房摷吓咀吓就得，要真箇銷魂就未必肯制，想有下文的話，就要睇客人把口冧唔冧得掂囡囡喇！