今日介紹嘅靚女，就係出生於山西陽泉嘅李部，佢喺北京中央戲劇學院畢業後，就加入咗模特兒界。初出道時，佢主力喺北京工作，但近年就頻頻去到其他大城市開工，甚至連西部雲南同四川等地，都可以見到佢嘅蹤影，李部不單止拍硬照和廣告，仲拍埋電視劇同電影，足見佢人氣高企，粉絲遍布各省巿。咁又難怪嘅，李部除咗人靚身材好之外，仲有一雙煞食嘅40吋修長美腿，無論穿着熱褲或泳衣，已經令人暈晒大浪，所以佢嘅寫真點擊率甚高，每當有新一輯性感照出，網友們都會爭相轉貼，成為近年最受歡迎嘅內地模特兒之一。
出生地：山西陽泉
三圍：33-24-35
身高：170cm
興趣：聽歌、騎馬