加料搶客
接近兩個月了，東莞的情況都沒有甚麼好轉的迹象，無論是骨場或者夜總會，原本還有場偷偷開門，暗暗地做生意的，結果人客們都收到風寧願少食一餐，更何況，即使唔知頭唔知路，但去到現場見到忽然要走後門才能進場，你這次夠膽去馬，但下次還敢再來嗎？相信應該沒幾人敢吧。結果，人客愈來愈少，早兩天跑東莞的同事回報：「下星期應該唔使再去啦，條街靜到不得了，之前有啲女諗住放個短假當休息，點知等極場風都未打完，既然沒完沒了，就索性離開東莞，睇吓遲啲環境點先再返嚟啦！」
最直接得益的，我眼見就是香港、深圳的桑拿，然後就是夜總會、指壓，雖然他們的客路不盡相同，不過上面停了那麼久，男人們還是要找出路的，早兩天我就這個問題跟羅湖區一家邪骨場的主任在談，「係呀，生意係好咗，但同老闆傾過，大家都唔敢加價住，反而想睇定啲再算，呢個時間，行家都加料希望搶多啲客，好咗o架啦，最起碼唔使再不斷劈價先啦！」主任無奈的苦笑着說。