青島公主傅美美靠波上位

青島人傑地靈，當地好幾支足球隊更係實力非凡，而擔任當地足球寶貝嘅模特兒，亦因此而人氣急升，好似傅美美就係其中之一，出道兩年，已經紅到發紫，工作多到接唔停手呀！

由去年開始，美美就由足球寶貝轉戰擔任車模工作，演出經驗豐富嘅佢，表現淡定又自然，十分出色，大獲好評，加上佢當時戴上公主冠冕，因而被封為「車模小公主」。

半裸拍攝

之後美美專心向平面模特兒界發展，由於佢樣子清純秀麗，所以拍咗好多輯少女時裝及婚紗照，更被網友喻為「青島婚紗公主」，期間美美亦有拍攝性感寫真，但好快佢就話唔再接性感Job，仲話自己唔適合，點知一年唔夠，某著名攝影師力邀佢拍攝一輯出位寫真，可能演出經驗多咗，美美擺Pose相當流暢，完全應付到攝影師嘅要求，結果拍攝出嚟嘅效果一流，自此之後，美美唔再抗拒拍性感寫真，而且仲愈嚟愈大膽，甚至半裸上陣，噴血度十分高。

七情上面

又難怪嘅，美美除咗樣靚之外，身材更係冇得彈，身高有174cm，擁有一雙42吋修長美腿，而且佢個美臀又圓又翹，單係睇佢嘅下半身，已經令男人流晒口水。美美嘅上圍亦甚有睇頭，拍寫真時經常營造出波濤「胸」湧嘅效果，睇到人慾火上升。

此外，美美嘅演出好投入，往往七情上面，將性感一面發揮得淋漓盡致，嚟緊美美會有更多噴血寫真推出，大家拭目以待啦！

傅美美Profile

出生地：青島

三圍：34-23-35

身高：174cm

興趣：聽歌、跳舞