魔鬼天使90後美女王羽墨

喺內地一眾90後模特兒當中,被網友喻為擁有「天使面孔魔鬼身材」嘅美少女真係冇幾多個,而嚟自上海嘅王羽墨就係其中一人,其氣質及名字一樣咁典雅,但同時亦能夠演繹出性感魅力,堪稱雙面靚女。

今年22歲嘅羽墨,畢業於北京藝術學校,所以演戲絕對難佢唔倒,事實佢亦拍過多部電視劇,好似最近全國熱播嘅《新倩女幽魂》,佢便有份參與,而羽墨嘅古裝扮相嬌艷迷人,實在迷倒唔少粉絲,不過羽墨最拿手演繹嘅角色,原來係辦公室女郎。

臨危不亂

由出道至今,羽墨一共拍過三套有關辦公室愛情嘅時裝劇,其中以《辦公室情緣》一劇更令佢人氣急升,且被網友選為「十大辦公室最想出現的美女」之一,成為男士們心目中嘅女神。

由於人氣飆升,工作量亦不斷增加,頻頻接拍廣告同擔任產品代言人,早前佢便應某大品牌邀請,喺北京798藝術區拍攝外景寫真,當時吸引咗大批粉絲到場,搞到拍攝現場相當墟冚,但見慣大場面嘅羽墨,臨危不亂安撫粉絲之餘,仲順利完成拍攝工作,深得製作單位同粉絲嘅歡迎。

真空上陣

被喻為「天使面孔魔鬼身材」嘅羽墨,樣子同身材當然係一等一,身高達175cm,擁有一雙42吋修長美腿,相當煞食;三圍有35-24-35,絕對係玲瓏浮凸,加埋全身白滑肌膚,呢副胴體真係冇得彈,所以佢拍攝嘅性感寫真,噴血度極高,加上羽墨十分大膽,經常以真空上陣,難怪深受網友們歡迎,封佢做魔鬼天使嘅混合體,絕對係實至名歸。

王羽墨Profile

出生地:上海

三圍:35-24-35

身高:175cm

興趣:瑜伽

龍四海