女優駕到BRW108親民好相與

近年有唔少日本AV女優進軍海外，好似蒼井空成功到內地發展，而原紗央莉及周防雪子於去年參演香港首部3D三級片，至於AV女優組合BRW108亦唔弱，早幾日派出四位成員到澳門擔任亞洲成人博覽嘅親善大使，甫出場即被粉絲包圍，人氣強勁！

早前日本AV天后吉澤明步訪港，吸引咗大批傳媒採訪，可惜步姐乜嘢問題都唔答就閃人，惹來耍大牌之嫌。不過，我就撐步姐，佢只係想盡快趕去澳門亞洲成人博覽（AAE）啫。事實步姐到達會場之前，佢嘅一班師妹早已到場，且表現得相當親民。當日小弟率先霸頭位同BRW108其中四位成員零距離接觸傾吓偈，包括小川亞沙美、大橋未久、小倉奈奈以及安城安娜。佢哋唔單止索爆燈，而且態度親切友善，影相時又自動波擺Pose，而且仲樂意將親筆簽名貼身小背心送畀粉絲添！

樂意拍三級片

據悉為咗出席是次活動，小川亞沙美、大橋未久、小倉奈奈及安城安娜於出發前努力惡補普通話，仲以普通話自我介紹。問大師姐小川亞沙美成立BRW108組合嘅目的？佢立即以甜美聲線回應：「主要提升女優嘅形象，亦有助一眾女優增加海外工作嘅機會，歡迎任何業界一齊磋商合作。」眼見咁多AV女優成功到海外發展，未知佢哋有冇興趣來港拍三級片呢？小倉奈奈就代表其他成員話：「只要有好劇本就一定考慮接拍，我哋嘅目標係進軍中港台三地發展。」

養眼內衣騷

有幸可以親近四位知名AV女優，小弟梗係開心到發癲啦。不過，AAE現場仲有好多精彩表演，例如嚟自澳洲嘅Priscasso以陽具來畫畫，神乎其技，仲有來自不同國家嘅艷舞團包括Aussie Bombshells以及Badboys Australia表演勁歌熱舞，當中火辣嘅鋼管舞孃技藝超群，於半空中擘一字馬，真係睇到拍爛手掌。另外，一個內衣品牌攤檔就表演內衣騷，一個又一個擁有天使面孔同魔鬼身材嘅模特兒着住時款內衣行騷，令現場氣氛辣上加辣！

勁力重型炮機

除咗女優同舞孃，以及一眾內衣模特兒，場內仲有好多情趣用品攤檔，當中最令人注目嘅，就係一件重型武器—炮機，以電力推動，勁力澎湃，頂端可以換成單一棒棒，或者雙管齊下推進，有咗呢部機肯定晚晚都高潮迭起。唔Like咁重口味，可選擇國產版一比一情趣娃娃，佢唔單止全身充滿彈性，私處亦做得相當像真，至於價錢比起外國製造嘅平一大截，唔怪得咁多人有興趣。

史上最波濤胸湧女子組合

於2010年組成嘅BRW108 AV女優組合，成員預計將有108位，目前約有九十多人，絕對係有史以嚟，最波濤「胸」湧嘅女子組合，佢哋以歌影視三棲發展，成為全方位嘅藝人。

至於點解叫BRW108，原來BRW是分別代表3種唔同風格嘅女優，B是Bitch，代表散漫粗野嘅小野獸；R是Ritch，代表有智慧氣質嘅美女；W是Witch，代表魔女樣嘅小妖精，3種風格集合一齊嘅組合就係BRW108啦！

小倉奈奈

出生日期：1990年1月10日

身高：5呎3吋

三圍：35-23-35

安城安娜

出生日期：1991年11月1日

身高：5呎5吋

三圍：34-23-34

小川亞沙美

出生日期：1985年4月11日

身高：5呎6吋

三圍：34-23-35

大橋未久

出生日期：1987年12月24日

身高：5呎3吋

三圍：34-23-33