吹噓持久力強
早幾日同班Friend喺茶餐廳食Tea，聽到隔籬枱班仔喺度討論曳曳時間長短嘅問題，原來佢哋啱啱喺深圳揼完邪骨返嚟，講緊同囡囡曳曳咗幾耐先至爆發，其中一個麻甩仔就話自己持久力強，玩足45分鐘，仲話囡囡畀佢砌到對腳抽筋喎，我一聽都知佢吹晒水啦！我同過好多男人上床，翻查番腦海嘅記錄，真係冇一個可以捱到超過半粒鐘囉！仲要係我已經冇使出「收音機」功夫嚟夾爆對方，的確係啲對手欠缺持久力，玩一陣就完事。不過，我見到隔籬枱班仔個個都信以為真，猛問個麻甩仔有乜方法可以增加持久力，真係笑爆嘴！其實男人一向好鍾意吹噓自己嘅持久力有幾強，呢點我好明白嘅，唔通話畀人知自己係快槍手咩！