造謠者之最佳線人

今日當我剛剛返到公司，諗住自自在在歎份早餐之際，枱頭嘅電話突然響起，原來係大老闆雄哥打電話叫我入佢間房。入去之後，我笑笑口話：「點呀雄哥，尋晚玩得爽唔爽呀？」

生安白造

面燶燶嘅雄哥就話：「爽你個頭呀！今次大鑊喇！」我坐低一邊搞佢枱頭嘅銅像，一邊話：「咩咁大鑊呀？又畀你老婆捉到你去滾呀？」雄哥話：「佢不嬲都知你成日同我去滾o架啦！講番正經嘢先，你最近有冇聽過公司有謠言話我同會計部主管美娜有路呀？」我故作驚訝話：「乜原來你哋冇嘢o架咩？我成日撩佢講嘢都唔理我，仲以為佢做咗你條私家菜添！」雄哥話：「我都想同佢有嘢，但係飯都冇同佢食過一餐呀陰功！不過，唔知點解就係有人傳我哋有路，你知公司幾多線人傳話畀我老婆知啦！尋晚返屋企至畀老婆綁住嚟審咋。」我話：「玩SM咪開正你嗰瓣囉！」

雄哥走埋嚟拍一拍我膊頭話：「肥賢，你跟咗我咁多年，一直都係我最忠心嘅得力助手，今次我想你幫我搵出造謠者。」我即刻站立，向雄哥敬禮話：「為咗雄哥你，我赴湯蹈火，萬死不辭！事成之後，我一個月嘅夜蒲使費你包！」

故意挑逗

雄哥勉強點頭答應之後，我就返回自己嘅辦公室。我左諗右諗之後，終於諗出第一步點行，就係向清潔女工媚姐套料。媚姐以一人之力，打理晒公司嘅男女廁以及茶水間。大家都知啦！呢三個地方都係是非之地，媚姐行開行埋一定聽聽埋埋唔少人講是非，問佢攞料實冇走雞。

於是，我借故倒瀉杯咖啡，然後再向出面大聲叫：「快啲幫手叫媚姐過嚟抹一抹塊地啦！」媚姐入到嚟之後，我就閂埋門，仲懶好心咁話：「真係唔好意思喇，又要麻煩你添！」說話嘅時候，我特別用上深情嘅眼神望住佢皮光肉滑、風韻猶存嘅面孔，之後視線仲掃落其足足有36G嘅巨乳以及只得24吋嘅小蠻腰，最後落到其圓潤靚股。畀我咁望，媚姐顯得相當唔好意思。之後，我就坐低話：「我褲襠都淋濕晒呀！」媚姐知我意圖，笑淫淫咁向我褲襠催前，仲話：「等我睇吓有幾濕……」（待續）