世界波：脫星增值班 戰鬥力升呢

咪以為脫星份工容易做，查實都好考體能，因為好多脫星都疏於做運動，只係識得一味節食減肥，保持身材，好多時搞到身體五勞七傷都唔知。為咗幫班脫星操好體能，同埋執靚啲床上動作，待演出質素有所提升，於是幾間大型四仔片商，最近就為旗下脫星搞咗個脫星增值班，好好訓練一下。

早排有調查指，喺一眾四仔脫星中，有超過7成嘅脫星，一個月最多做一次運動，而因為運動量不足，導致佢哋體能下降，身體容易出毛病。為咗可以糾正脫星唔鍾意做運動嘅壞習慣，美國幾間大型四仔片商，就為旗下脫星舉辦增值班，不但操體能，更搵專人執靚佢哋嘅床上動作添！

狂操體能

之前有報道指有個幾百磅重嘅美國女人，靠性愛嚟減肥，此時唔少人至發現，原來性愛對消耗卡路里好有效，更何況係喺床上日做夜做嘅脫星呢？因此呢個增值班嘅首要工作，就係為一班懶做運動嘅脫星操Fit體能。

課程中除咗長跑、游水、踩健身單車等訓練項目外，仲要求脫星每日做2小時Gym，例如舉啞鈴、玩器械操等等，真係辛苦過軍訓！可能有人會話，既然咁辛苦，大可以選擇唔去，做乜要攞苦嚟辛？原來入讀嘅脫星，個個都係收到公司指令而參加，並非自願性質。

執靚動作

除咗要狂操體能外，增值班仲會搵嚟專人執靚班脫星嘅床上動作，即係體位姿勢！因為有啲脫星嘅戰鬥力的確好好，只係往往喺拍攝時，唔係對髀擘得唔夠大，就係玩一啲高難度動作時唔算得心應手。因此呢個增值班就搵嚟一班靚仔瑜伽導師同體操教練，教一班脫星點樣拉筋同做動作，再搵嚟專業嘅四仔導演，講解做呢個動作時，應該點樣望鏡頭，令演出質素更上一層樓。

話時話，點解要搵靚仔教練呢？理由好簡單，呢個訓練班為期7至9日，如果日日對住班女導師，相信班脫星好快就會冇晒心機，反而有啲靚仔負責教路，先可以令佢哋認真學習喎！

功效顯著

雖然話有靚仔可以緩和吓訓練嘅辛酸，但講到尾日日操到隻蟹咁，如果冇功效嘅話，就真係攞嚟搞。入行未夠一年，今年19歲嘅脫星Tracey Sweet就表示，起初佢聽到要讀增值班時，以為只係輕輕鬆鬆玩幾日，點知入到去第一日，就已經辛苦到想喊！因為佢哋晨咁早就要跑步一小時，食完早餐後就做瑜伽訓練，下晝就要做兩小時健身訓練，到咗夜晚仲要游一小時水，之後再做冥想，然後先至可以上床瞓覺。

雖然對佢嚟講係辛苦啲，但係幾日落嚟發覺身形靚咗，人又精神咗，最重要係佢仲趁機攞埋靚仔教練個電話添！究竟係咪真係攞電話咁簡單，相信只有佢自己至知喇！