快活不知時日過

呢隻老手BB鴨同嗰啲童顏巨乳嘅女人，有異曲同工之妙，我喺酒店房將佢煎皮拆骨，食到嘴舔舔先離場，走嘅時候，一邊搭車、一邊回味緊佢嗰招掛鼓七重天。佢將我成個人掛上身，重心放晒喺大家嘅重要部位，估唔到佢咁孔武有力，完全唔覺得有負重一樣，將我拋高拋低，真係好鬼刺激又過癮，畀佢拋唔夠5分鐘，我就已經升仙，攬住佢上身，High到冇人有，仲不停鼓勵佢，繼續用呢招對付自己。佢當然好識趣，見我咁開心，一於捨命陪君子，繼續運用佢驚人嘅體力同腰力，將我帶上一個又一個高峰。

快樂嘅時間過得特別快，的士已經駛到我屋企樓下，我落車之後，竟然發現Richard企喺我大廈門口，佢一見到我已經撲上前：「Barbara，我知道咁夜搵你真係有啲唔好意思，但係我有一件緊要事同你商量。」「如果係關於太子黨嘅事，我今晚已經安排咗，你唔使咁擔心喇！」「吓！你安排咗！」「有咩問題！」「問題係我今日親自見過太子，我哋傾咗成晚，大家都好投契，仲明白發生咩事添！」我見佢眼神有啲閃縮，我覺得有啲唔對路喎！

「你死喇！我睇到你眼神有閃光，塊面仲紅粉緋緋添！你兩個係咪有不可告人嘅秘密？」Richard畀我講中咗，眼神立即虛一虛，但又要扮鎮定：「我知道你幫咗我好多，所以我之前打電話畀你冇人聽，咪特登撲過嚟話你知，我自己可以解決得到囉！」「啊！咁就一天都光晒，早知我唔使咁頻撲，仲使咗唔少錢疏通添，聽日我會畀番張單你！」「冇問題！」我心諗你個衰佬究竟搞啲咩，神神秘秘又蠱蠱惑惑，仲唔畀我知添！佢今次死梗喇，因為挑起咗我嘅求知欲同埋好奇心，佢唔使旨意可以瞞得過我……（待續）

Lady Barbara

某大公司高級行政秘書，年齡係秘密，蒲齡更加無謂講，向以獵男為己任，志願係嫁個有錢人，日日行街Shopping、High Tea做Facial，早日脫離打工行列。