講到日本動漫嘅萌妹掌門人，除咗涼宮春日外，就要數呢位嚟自人氣動漫作《灼眼的夏娜》中嘅女主角夏娜嘞！呢位萌到爆嘅紅髮美少女，帶挈作品勁收旺場，其輕小說喺日本嘅銷售量，截至今年已累計超過850萬冊，認真犀利！夏娜人氣咁高，其首辦模型自然長出長有，好似呢個新作，夏娜以內衣Look登場，造型性感得嚟又不失可愛，同時充滿少女味道。模型採用可脫式設計，玩家可以親手除夏娜件外套落嚟，增添不少玩味。此外，夏娜一頭紅髮以透明膠製造，更具逼真效果。
全高：約160mm
售價：￥7,140（約HK$693）
發售日期：預計9月