打假波冇運行
嗰日收到個姊妹嘅電話，聽佢嘅語氣好風騷，以為佢向我報喜訊釣到個金龜上岸唔使做，點知佢話唔係，而係因為得知早前寸佢嗰條女有惡報，所以好心涼喎！事緣早前呢個姊妹落酒吧遇到個同行女仔，對方向佢身體上下打量一番之後，就寸姊妹心口冇料到，難以吸引到客人，好戙佢可憐，跟住就猛話自己胸前偉大，生意多到接唔晒。無啦啦畀人寸波細搵唔到食，姊妹梗係嬲到震啦！點知過咗一排，姊妹喺酒吧飲酒時竟聽到個女仔嘅消息，話佢成日畀客人彈鐘，皆因嫌佢打假波，依家對假嘢仲出咗問題，搞到要入廠維修，連生意都做唔到，呢鋪真係手停口停。姊妹聽後不但暗中拍掌，心裏仲要講句：「抵你死！」