世界波：睇肉嬌娃運動好耍家

仲有個幾星期就到4年一度嘅國際體壇盛事舉行，有唔少人都話要身體力行，做定運動迎接開幕喎！小弟近年只對床上運動有興趣，更不時埋首四仔鑽研體位，竟然無意中畀我發現，有唔少四仔女星都曾經係運動健將，難怪身形弗之餘，體力仲咁好，砌極都唔攰啦！

外國脫星要保持身形，多數靠做運動居多，好少齋靠節食，有唔少脫星更會喺Blog度同Fans分享做運動嘅心得，原來當中有好多都係體育健將，校隊、代表隊乜都有，如果搵佢哋宣傳全民運動，拍廣告提醒大家：「日日運動身體好！」成效可能好好多。

Capri Cavanni投籃好手

講到今次體壇盛事中最受歡迎嘅球類賽事，除咗足球同排球外，仲有籃球。事關每年都有美國夢幻隊坐鎮，眾多NBA球星獻技，絕對係機會難逢，連美國嘅人氣脫星Capri Cavanni都話要撲飛撐自己嘅國家隊！呢位索女唔單止熱中籃球，本身亦係一位籃球好手，據講佢唔單止插花、走籃乜都掂，最耍家仲係遠射三分，原來佢喺中學時代，竟然係籃球校隊，真係失覺晒！

Profile

出生日期：1982年3月14日

三圍：34D-25-34

身高：5呎3吋

Aletta Ocean勁揪女拳

今屆體壇盛事新增咗女子拳擊比賽，相信脫星Aletta Ocean一定百感交集。原來Aletta除咗拍四仔之外，亦係一位業餘拳擊手，平時唔使拍片，都會走去拳館度練拳。聽Aletta講，佢嘅練拳生涯早喺初中時代已開始，更曾經喺學界攞過拳擊比賽亞軍。只係當時女子拳擊唔係咁受重視，為咗搵食至走去拍四仔，否則今時今日可能係國家代表隊一分子都唔定！

Profile

出生日期：1987年12月14日

三　圍：38DD-26-37

身　高：5呎8吋

Mya Nichole沙排重炮

Mya Nichole外表冷艷，唔少四仔迷都稱佢做「雪后」。不過估唔到呢位外表冷若冰霜嘅脫星，竟然係沙灘排球愛好者，更組織咗一隊由脫星所組成嘅沙排隊，讓一眾姊妹換上性感比堅尼，齊齊喺沙灘上較技。Mya之所以咁鍾意玩沙排，皆因佢以前間中學喺沙灘附近，於是佢哋成班女仔，每日放學例必去沙灘打波兼(目及)仔，久而久之練出一身好球技，而佢至拿手就係扣殺，唔知幾時先可以有幸欣賞到呢？

Profile

出生日期：1984年6月23日

三　圍：32D-23-32

身　高：5呎5吋

Penny Flame網壇索女

美國女子網球有幾勁，相信唔使多講，只係有人話美國女子網球手當中冇靚女，就好有商榷餘地。其實美國網壇索女有唔少，好似脫星Penny Flame就係一個好例子。咪睇佢身材細細粒，查實佢讀書時已經常喺網球場上攞獎，不論泥地定草地，佢都應付自如。可惜佢早年因為有嚴重膝患，結果被迫掛拍，否則以佢高超嘅球技，同埋索到震嘅外形，絕對可以成為球場上嘅焦點！

Profile

出生日期：1983年2月22日

三　圍：36C-25-35

身　高：5呎3吋