浴室減價戰

最近在澳門街聽到最多的消息是搞減價，當然，不是一刀切死劈爛劈那種，而是在一些指定時段內，稍稍減它一減，做法類似酒吧所謂的Happy Hour，通常是在那些非繁忙的時間，如中午和凌晨時候推出，而減幅也不大，好幾家都只是減個一百元上下，以澳門桑拿消費動輒就上二千元計，其實連十個巴仙也沒有！「最估唔到係呢間人氣大場都跟大市減，話晒佢點睇都係澳門龍頭浴室。」一位行中人對我如是說。

如此反常，一來，是因為市場上的競爭對手紛紛有類似的動作，二來，這陣子周圍真的大刮淡風，「其實同以前比，港客真係死咗一半都唔止，加上呢期股市又插水，點會冇影響吖！」行內人更補充，最近連個人遊客都不如之前的多，你說係咪真的要出手迎戰這個五窮六絕的大淡季呢？「好彩日本客、韓國客都仲Keep到個量咋。」這種潮起潮落是一個循環，相信從業員自有應付的辦法！「都唔係就咁減價就刺激到人客消費o架，你睇佢哋幫全場囡囡換晒全新水手裝，新舞台又喺呢個時候推出你就知啦！」