世界波：艷星床技精 舞藝一樣勁

娛樂圈有好多藝人除咗唱歌、演戲耍家外，仲身懷唔少本領，有啲精於琴棋書畫，有啲甚至勁到識潛水、跳傘同揸飛機。不過估唔到美國四仔界，亦不乏呢類臥虎藏龍之輩。好似以下4位脫星咁，就係潛伏於四仔界嘅「舞」林高手，就算唔拍四仔，都可以憑住一身舞技闖出名堂。

其實唔止一般人，就連好多四仔迷都未必知道自己嘅偶像其實係舞林高手，因為通常跳舞跳得叻嘅都會走去教跳舞，無需咁辛苦喺鏡頭前畀男優糟質，將赤裸嘅軀體展露人前。但事實係錢冇人會嫌腥，只要賺到錢，好多人都會心甘情願出賣肉體。加上拍完四仔後人氣都高啲，如果出嚟開班，分分鐘宣傳費都慳埋，簡直一舉兩得。

Briana Blair啦啦俏嬌娃

如果大家有睇過美國NBA，相信一定欣賞過各支球隊嘅啦啦隊，佢哋性感又極富動感嘅演出，真係令人賞心悅目。呢啲啦啦隊員都有舞蹈根底，仲要經過多輪考核先至可以成為正式隊員，因此佢哋嘅舞藝絕對有番咁上下，而今年25歲嘅Briana Blair，原來都曾經係NBA啦啦隊嘅成員。

Briana呢位前任阿特蘭大鷹隊啦啦隊員，當年喺球場上已經係唔少球迷嘅焦點，事關佢有樣有身材，仲舞藝非凡，各種翻騰動作都難佢唔到，佢更曾經喺四仔度表演過呢項絕技，果然厲害！

Profile　

出生日期：1987年6月24日　

三圍：32D-24-35　

身高：5呎4吋

Leony Aprill跳街舞稱霸

大家有冇諗過四仔界中，居然有街舞高手呢？佢就係今年24歲嘅Leony Aprill。呢位喺捷克出生，身材前凸後趷嘅索女，個樣雖然好文靜，床上亦相當純情兼含蓄，查實佢喺07年投身美國四仔界之前，曾經喺捷克唔少街舞比賽中屢獲殊榮。既然佢有一身好舞藝，點解唔喺呢方面發展呢？原來Leony因為以前練舞練得過火得滯，搞到一身傷患，為免再觸發舊患，惟有退下火線。雖然係咁，但Leony仍然希望有日能夠喺美國開班授徒o架！

Profile

出生日期：1988年4月22日

三圍：34B-23-34　　

身高：5呎2吋

Sunny Leone鋼管舞專家

唔少脫星除咗演出四仔外，都會喺會所客串表演鋼管舞，不過當中大部分都係半途出家，只係臨急學幾堂就膽粗粗上台表演。當然，觀眾大多只係慕脫星嘅艷名而至，甚少會品評佢哋嘅鋼管舞跳得係咪精。不過大家又唔好一竹篙打一船人，事關脫星中亦不乏專家級猛人，當中以Sunny Leone至為厲害！唔講唔知，呢位印度裔天后喺出道前就已經攞過唔少鋼管舞比賽冠軍，更經常喺電視節目度表演，因此喺鋼管舞界相當有名氣，難怪Sunny喺床上扭擰得零舍有節奏感。

Profile

出生日期：1981年5月13日

三圍：34DD-24-34　　

身高：5呎4吋

Zuzana Zeleznovova華爾茲達人

嚟自捷克嘅Zuzana Zeleznovova，其實係華爾茲達人，仲係教授級嗰隻，佢不但喺好多比賽中得獎，仲對呢種舞蹈有深入嘅研究！Zuzana之所以對華爾茲咁有研究，係因為佢嚟自一個舞蹈世家，屋企人不但係「舞」林中人，亦係高手級別，所以Zuzana自細喺耳濡目染下，就對舞蹈產生濃厚興趣，當中尤以舞姿優美又高雅嘅華爾茲至得佢歡心。聽Zuzana講，為免舞藝生疏，家陣佢仲有Keep住練習華爾茲o架！

Profile

出生日期：1983年8月25日

三圍：34A-23-35　　

身高：5呎3吋