上位新人盛馨冉

今年三月至出道嘅新人，點樣可以瞬間成為炙手可熱嘅性感偶像呢？除咗本身要有超凡實力之外，箇中關鍵係要有腦，好似今日介紹嚟自黑龍江哈爾濱嘅盛馨冉，佢出道唔夠三個月，已經紅遍內地，就連台灣同埋香港都有佢嘅粉絲呢！

盛馨冉今年三月方在內地某模特兒網站登場，短短三個月內就推出咗接近三十輯相片專題，而且八成作品都係性感寫真，將佢嘅優點充分發揮。未講馨冉幾有腦前，先講講佢有幾多實力，身高165cm嘅馨冉，擁有一雙修長美腿，仲配埋34吋上圍呢！

真空上陣

單係長腿配豐胸，馨冉嘅戰鬥力已經好強，兼且仲有萬千少女傾慕嘅22吋小蠻腰，足以產生令上圍更加凸出、令美腿更加修長嘅神奇效果，擺「S」形Pose時，玲瓏浮凸，真係令人血脈沸騰！大家咪以為馨冉係新人，作品自不然會比較保守，佢嘅作品不知幾大膽，周不時真空上陣，半球盡露，所以佢嘅性感寫真一推出，內地網友就會爭相轉貼，除咗內地受歡迎，連香港同台灣嘅網站都有轉貼，兩岸三地嘅點擊率都超高，所以論人氣，絕對係2012年嘅十大人氣王之一。

形象百變

講番馨冉嘅聰明地方，就係佢好懂得利用網絡世界，出道只得三個月，工作有限，如果等有工作至發相，咁真係有排等。於是馨冉就唔理咁多，一於自行發相，三個月內發咗近三十輯新相，而且輯輯都有新突破，令網友日日捕住電腦，追住嚟捧場。再者馨冉每次拍攝都以不同形象示人，所以網友一時話佢係熟女，一時就話佢係美少女，令人估佢唔到。馨冉既有腦又有實力，相信工作好快會排山倒海咁嚟，到時記住唔好發咗達唔識粉絲，要繼續多啲以性感形象示人呀！

盛馨冉Profile

出生地：哈爾濱

三圍：34-22-34

身高：165cm

興趣：聽歌、演出