世界波：健籮Exercise塑造曲線美

試問有邊個女人唔想擁有豐胸美臀，不過凡事都要付出先有收穫，除非天生麗質，否則就要靠後天努力。美國有一個成人網站，訪問咗50名四仔女星，發現除咗靠手術或儀器幫忙外，仲有好多運動可以改善臀部線條，令美股變得更結實豐滿。

對於四仔女星嚟講，Keep靚副偈嘅線條，可以話係首要任務，事關身材唔掂當，就算床技幾精湛都會被四仔迷捨棄。由於歐美四仔界有唔少推車仔或走後門題材，所以好多四仔女星都對健股別有心得，而以下幾種健股運動，都深得四仔女星推崇，想Keep靚臀部線條嘅姊妹，不妨Jot低參考吓！

越野電單車 美化臀形

呢種運動一向都比較少女人玩，因為體力需求大，危險性又高，不過有一半被訪四仔女星都話會經常練習越野電單車嚟美化股形。事關玩越野電單車，好多時都要半蹲喺架車上，好考腰力同腳力，而且Pat Pat更要經常保持翹起狀態，好多人玩咗一個月已經覺得個籮翹咗又大咗。

二人健身球 雙倍結實

健身球係好多女人嘅至愛，佢能夠收身健股一啲都唔出奇，不過奇就奇在有三成被訪女星話，要同男人一齊玩健身球，先至可以達到最佳效果。因為大部分男伴玩到中途，都會忍唔住手多多、搞搞震，結果每次同男伴玩完健身球，都等於做完雙倍運動，結果就令個籮愈練愈結實。

趷籮擊球 修靚線條

有兩成被訪女星都係板球及棒球嘅忠實Fans，佢哋話呢兩種運動都有異曲同工嘅效果，因為擊球時候嘅姿勢，都係要彎少少腰，趷起Pat Pat，做得多自然可以擁有一副曲線身形，擊球嗰陣仲可以令男對手分心添！

趴枱篤波 分外堅挺

無論玩美式或者英式桌球，好多時都需要爬上枱Set波、出Cue，其實正確嘅姿勢，仲要沉腰趷籮，令整個身體能夠完全穩定，咁樣做得多，男人個籮都趷啦，更何況女人！而且女人玩嘅時候，仲可以着短裙，刻意露底，順便勾埋佬，一舉兩得。

苦練瑜伽 提臀收Hip

瑜伽雖然係好普通嘅運動，但因為瑜伽中有唔少動作，例如彎身向前趴、前後腳向下壓腿、紮馬或跪趴向後抬腿等都有提臀效果，只要持之以恒，就可減少贅肉，令臀形線條更靚更結實。