凌晨時段Full Booking
早幾日我約咗好姊妹CiCi飲嘢，佢話呢排好忙，接到好多Job要陪老闆睇波，收入豬籠入水，擺明晒命！我同佢講，球賽期間我都一樣係Full Booking，晚晚都有約o架！可能大家會問：「啲男人唔係睇波咩？點解仲有時間曳曳？」理由好簡單，平時佢哋出夜街，一定會畀老婆或女朋友問長問短，不過家陣就可以打正旗號話同班Friend去睇波，絕對係偷食嘅好時機啦！須知道每晚第一場賽事完場後，要等個幾鐘頭至到下一場賽事開波，咁呢段時間做乜好？唔通同班Friend吹足一粒鐘水咩，梗係趁呢個時候去梳乎一下啦！所以呢排凌晨兩點時段嘅Booking 都Full晒，收入認真和味。我同CiCi已經約好，忙完之後一齊去旅行叉電，順便喪買名牌慰勞吓自己。