指壓場風光不再
是夜跟同事說起，才知道，原來香港曾經風光一時，開到成行成市的指壓場，現在市場上其實僅存不過十餘間，而且數目還在持續減少中，真正旺的，生意叫做不錯的，真的離不開那三幾家吧。「唔好同全盛時期比，根本就係差天共地，其實之前隔一排都會有新場開吓，但依家就直情冇晒，點解呀？一來因為無利可圖，二來風險大，喂，有乜事，要受嘅，唔係為錢博，咁仲有乜嘢理由做落去先？」同事答得有點咬牙切齒，只因近年他實在聽太多做偏門做得狼狽不堪的悲涼故事。
事實上，我也聽過一些老指壓人說現在的經營困境，首先，就是租金的問題，「係就多數都開喺啲唐樓度，但一租就通常兩三個單位一齊租，好重成本o架，你估依家租平咩？」以前閒閒哋一日幾百鐘當然不愁租金的問題，簡直是濕濕碎，但現時，當然不能夠同日而語了；也有老闆擁有自己舖的，但同樣，都寧願選擇放租收租金，又或者是搞搞賓館好過，雖然同樣不是賺甚麼大錢，但最少不用擔驚受怕過日子。