岩佐真悠子四面嬌娃
日本水着界每年都湧現大量新人，當中有好多出道冇耐已被遺忘，而曾經成功上位嘅靚女亦有機會跨界發展，事關唔少當紅水着妹都會被邀請拍劇、拍電影，又或者登台唱歌，岩佐真悠子就係一個好例子。
真悠子氣質綺麗，皮白肉嫩，於2003年出道以來一直受到注目，好快仲被演藝界賞識，搵佢拍咗好多知名電影，好似今年咁，電影《忍道Shinobido》以及即將於夏天上映嘅《女優》佢都有份參演一角。不過，由於佢貴人事忙，已經5年冇拍過寫真集，所以佢於最新推出嘅寫真集《Mayuko 1/4》中，將會盡情展現一副嬌美胴體，仲會將四段故事元素融入其中，睇落更加有意境。