瘦到冇胸
點着至夠性感引死仔？梗係Bra Top加超Sexy熱褲，騷出條事業線同美腿啦！當然最重要係有副好身材，所以我平日會勤做運動Keep Fit，家陣身材弗到漏！不過，有個姊妹為咗減肥瘦身，不但節食，仲服用減肥藥，結果瘦到得棚骨，變咗長平公主，冇晒睇頭囉！
話說早前收到個姊妹嘅電話，佢話呢排好手緊，想問我借幾千蚊。初時我覺得好奇怪，佢樣靚身材好，一向有唔少熟客，收入豐厚，經濟上應該冇問題，唔通佢賭輸晒啲錢？佢話唔係，由於最近冇客搵佢，所以冇收入。於是我約佢出嚟傾，當我見到佢真係嚇咗一跳，事關佢唔單止勁瘦，仲要冇晒波，梗係趕客啦！點知佢唔覺得自己有問題，反而話依家靚過以前，唔明點解會冇生意。講咗一輪，我決定借錢畀佢，因為佢需要用錢去睇心理醫生囉！