SF Pride 2012

三藩市係美國嘅同志重鎮，每年大大小小嘅同志遊行不計其數，當中有幾個大型活動，知名度勁高，唔止當地同志熱烈參與，就連外地遊客都覺得好吸引。而「SF Pride」就係其中一個勁有吸引力嘅同志遊行活動。

今年嘅遊行主題係「全球平等」，參與遊行人數估計最少超過3,000人，包括有藝術花車，藝術表演者，同志組織代表、或者普通平民百姓，都可以穿上自己設計嘅出位服裝參與遊行，遊行隊伍十分多元化，有男同志、女同志，仲有雙性戀、易服癖等，總之目的就係宣揚世界大同、全球平等嘅訊息。沿途隨時有幾萬人圍觀，過往好多大膽嘅少女，都以近乎赤裸嘅身軀向圍觀者表達出自己嘅訊息。所以當日無論男、女、攣、直都同樣會大膽表達自己嘅性向，甚至公開親熱，令現場氣氛推上高峰。

日期：24/6/2012（星期日）

時間：10：30am

地點：Start at Market & Beale and ends at Market & 8th Street in downtown San Francisco