冇膽隆胸
我CiCi自問有34C豐滿上圍，卻仍有唔少客人嫌我細咪而彈鐘，睇怕我都要去隆胸先得。有姊妹推介我去韓國整，亦有人叫我返內地做，後者價錢平，瞓兩晚酒店就可以脫胎換骨返香港。正當我考慮去邊度隆胸嘅時候，畀我遇到個恩客，呢位哥仔係中產一名，自稱食女無數，對一般女人已經覺得冇挑戰性，為咗尋求刺激，於是試吓玩援交。
當日佢約我喺金鐘一間五星級酒店大堂等，上到房後我主動除衫，當我解開胸圍時，佢竟然出言阻止：「咪住先！你對嘢係咪托出嚟o架？如果除咗個Bra後會縮水，你戴番佢好過！」咁樣侮辱本小姐，真係當我流！我扮冇嘢笑笑口話：「咁你畀錢我整大佢囉！」估唔到佢咁認真，事後竟然畀咗一萬蚊資助我隆胸，仲話：「你幾好砌，搞掂之後返嚟Call我！」不過我始終冇膽去隆胸，結果買咗個名牌袋畀自己。