百變魔女張瀞尤
近年出道嘅模特兒都會被網友冠以一啲封號，例如網絡美女、完美情人之類，而今日介紹嘅靚女，佢嘅封號更係水蛇春咁長，一共有17個字，佢就係嚟自天津嘅張瀞尤喇！
喺天津，瀞尤可以話係一位家喻戶曉嘅名模，佢讀大學時已經出道，喺模特兒界發展至今已有幾年。至於瀞尤嘅封號，就係「新一代可愛加性感才是王道的百變魔女」，呢個封號咁長，相信唔會係瀞尤自己度出嚟，因為實在太難記了。
具殺傷力
每次有傳媒問起瀞尤呢個封號，佢都例牌背唔出，只說好多謝網友支持，認定佢既可愛又性感，而且係個形象百變嘅魔女，肯定佢極具殺傷力。
至於瀞尤嘅寫真，可愛造型同性感噴血照各佔一半，當然小弟梗係比較喜歡欣賞佢嘅性感照多啲，皆因佢擁有33D上圍，只要輕輕一夾，就展露出一條深長事業線，觀賞性極高，令人一見難忘。
進軍影壇
仲有瀞尤每次拍攝照片，都會花心思變換唔同造型，帶畀人新鮮感及驚喜，所以佢被封為百變魔女，絕對並非浪得虛名，亦因此瀞尤一直深受攝影師歡迎，工作不斷，人氣高企。
最近瀞尤嘅工作非常忙碌，除咗拍攝廣告同擔任車模之外，仲會進軍影壇拍電影，到時大家要睇瀞尤嘅百變形象，就唔止喺雜誌或網上，仲可以坐定定喺戲院睇得到啦！
張瀞尤Profile
出生地：天津
三圍：33-23-34
身高：172cm
興趣：看電影、聽歌