世界波：Bike Wash大賽 即場洗車底

美國各州各省都有好多電單車迷，佢哋每年搞嘅活動數以百計，多到參與唔晒。但係呢個喺加州舉行嘅Bike Wash大賽，就一定要參加，因為現場有超過幾百名美女，為咗爭奪性感洗車王后嘅榮譽而出盡法寶，洗車之餘仲幫男人洗埋車底，更會即場獻吻兼請食波餅，搞到氣氛超熱鬧，令人樂而忘返。

其實美國咁大，Bike Wash大賽又點止一個，不過加州呢個就特別多贊助，製作自然盛大有睇頭。每次舉辦都有好多名牌電單車組隊參賽，令賽事變得更加激烈同緊湊。

搞慶氣氛

所有參賽嘅美女，都要穿上三點式洗車，評分標準除咗鬥洗得乾淨之外，仲要睇埋姿勢分，所以美女要一邊洗、一邊擺出各式各樣誘惑姿勢，令現場所有評審都扯晒火，咁就容易得高分。更有啲玩得夠放嘅美女，中途會搵個途人加入一齊洗，甚至隔住衫褲幫佢洗車底，搞到現場所有男人睇到眼甘甘兼慶合合，恨不得自己可以報名洗埋一份。

出位表演

除咗搵途人加入之外，仲有啲玩瞓車、獻吻、自摸、甚至真空上陣添！佢哋咁搏其實無非係為咗一份可觀嘅汽車模特兒合約啫！因為現場有好多品牌高層喺度揀蟀，好彩畀人睇中的話，隨時可以進身模特兒行列，所以呢啲比賽就係美女表現自己嘅最佳舞台，自然去到盡！就算做唔成模特兒，都有機會畀星探睇中，加入脫星界都唔出奇！

最後一擊

如果日頭嘅比賽名落孫山，又冇任何人賞識的話，美女們仍然唔使灰心，因為仲有最後一擊嘅機會，就係參加夜晚嘅落選嬌娃比賽。所有日頭冇獎攞嘅靚女都可以參加，而需要做嘅表演就簡單得多，只係着件三點式出場扭兩扭，將自己最性感、最誘惑嘅一面盡情展現即可，又或者同幾個囡囡組成一隊艷舞女郎大跳特跳都一樣得。如果玩埋最後一擊，都仍然冇着落，咁就真係要好好檢討，重整旗鼓出年再嚟過。