世界波：100 Best 情趣Blog 縱橫性海

2012年過咗未夠一半，已經有統計網站精選出頭100位Sex、Love & Dating Blogs，網站由4月15日開始統計，調查全球網民瀏覽量最高嘅英文色情網站，旨在筍推畀各位，希望網友多多分享、畀Like同多啲Retweet（引用別人訊息），等各大網站可以繼續將性愛及情趣知識發揚光大。其實對用家嚟講，情趣Blog最緊要多筍嘢睇兼多嘢學，想知有咩推介？即睇！

細佬已經率先瀏覽晒100個筍Blogs，當中Sex、Love、Dating各佔1/3，無論毒男腐女、色情男女、虧佬冷感妻都總有一網啱你睇！要你睇晒100個至知邊個啱自己，我諗閣下會寧願打多兩粒鐘《DIII》好過，唔緊要，經細佬精心挑選，以下6大筍Blog為必睇推介，齋睇佢哋已經好夠用。

性愛版臉書

網址：blog.okcupid.com

簡介：Okcupid係一個報稱全球擁有超過700萬名會員嘅約會網站，而呢個OkTrends則係附屬於佢旗下嘅性愛調查Blog，主要調查男女性愛生活態度，例如德國邊個地區嘅女人最愛自慰、英國女人於交歡過程中通常諗啲乜等。不過我覺得普遍網友Click入去多數係為搵Dating對象，可能只係順便睇埋個調查Blog啫，否則齋睇圖表有幾吸引呀！

人慾性字典

網址：askdanandjennifer.com

簡介：但凡有性愛疑難或想為閨房增添性趣，都可以瀏覽呢個網站。Dan & Jennifer報稱係兩夫婦兼性愛學者，最大嗜好係研究性愛，由男女自慰方法、性玩具選擇、前奏手法、體位高潮甚至後戲無所不談，每樣都仔細分析，等用家循序漸進學習，差不多隔日就有新Post出街，我都Keep住追睇o架！

剩女愛網戰

網址：abiolatv.com

簡介：網站已婚女主持Abiola Abrams以過來人身份開Blog教各位姊妹脫離剩女行列。據聞阿姐做人原則係最緊要對生活有激情，平日行街食飯、飲酒吹水都係佢嘅拍片題材。至於最多人Like嘅係佢定期會有剩女對話，講情講性，觸動剩女心靈。

性事大踢爆

網址：thefrisky.com

簡介：八卦係人類天性，睇名人出醜就更加有話題性！The Frisky爆盡歐美名人、藝人、體育界男女性事，通常以醜聞居多，又以飛釘現形寫真佔大多數，樂而不淫。除鹹趣News外，亦有唔少女博客寫文講吓點樣冧盡男人心，內容相當豐富。

無國界性醫

網址：drrachael.com

簡介：西人愛Causal Sex，衰啲講即係濫交！要長玩長有，就應注重安全性行為。網站由執業女醫生Dr. Rachael每日解答性病疑難，內容包括安全避孕方法，安全套正確用法、大小性病病徵，等用家出發前有所準備。但細佬發現最多人關心嘅原來係問答環節，皆因呢方面唔係求其執劑藥就醫好，有事梗係要問專家啦！

寸嘴性女

網址：citygirlblogs.com

簡介：阿妹由2008年開始，以自稱30幾歲匿名女律師於網上發文，寫盡城中女人百態、夜場界刂女溝仔秘技，吸引過百萬人Follow。好景不常，阿妹喺2010年被確診乳腺癌，但佢冇自暴自棄，反以真名真樣分享對抗癌魔經歷及健康性教育，漸漸成為追隨者嘅性愛顧問。