世界波：絲打最愛性玩具唔花巧要夠High

勤力自摸會發達？原來有女網友靠性玩具試用報告寫Blog做達人賺廣告費，甚至賣埋Sex Product，認真有說服力。最新英國大型性調查發現，當地有超過3/4女性，至少擁有一件性玩具傍身，一年內已造就700億港元網上性玩具交易額，喺歐債危機底下都不受影響。到底最多人Like嘅性玩具有邊幾樣，睇睇最佳銷量榜咪知道囉！

雖然調查話英國妹勁開放，但佢哋所選擇嘅性玩具其實都係實而不華嘅種類，當地嘅大型性玩具網站Love Honey就發現，喺震蛋類銷售榜中，最好賣嘅都係走簡約路線，售價一啲都唔貴，證明女人玩性玩具最緊要係令佢哋嚟料有高潮，嗰啲奇形怪狀嘅花巧產品，都係睇嚟得啖笑嘅啫！

No.1：震動刷頭

名稱：Tingletip Electric Toothbrush Clitoral Stimulator Vibrator

售價：￡9.9 （約HK$113）

呢支冇毛嘅電動牙刷頭，以平滑矽膠製成，喺歐洲等地極受歡迎，貪佢方便攜帶之餘，普通嘅外形亦可免除被人發現嘅尷尬，雖然有用家嫌佢力度不足，接觸面又太小，但因為網絡售價只需￡9.9，仲包郵直送府上，難怪咁多人Like。

快感度：★

抵買度：★★★★★

方便度：★★★★★

（5★為最高分）

No.2：小巧子彈

名稱：Tracey Cox Supersex Bullet Vibrator

售價：￡9.99 （約HK$114）

子彈形震蛋可算係性玩具界經典之作，絲打認為子彈震蛋非常輕巧，易於收藏，除咗自娛外，仲可以用於其他部位作重點按摩。咪睇佢細細粒以為冇料到，原來佢粒摩打仲勁過震棒，兼有3段變速。一粒細電就推得郁，抵玩又方便！

快感度：★★★

抵買度：★★★★★

方便度：★★★★★

No.3：口舌不求人

名稱：Sqweel Oral Sex Simulator

售價：￡39.99 （約HK$460）

想享受口舌服務，男友又唔願意？呢款摩打脷就幫到你，用喺前段外部刺激就最過癮。用家對摩打脷有讚冇彈，就連性學專家Tracy Cox都親口話：「摩打脷嘅快感層次同一般震蛋唔同，刺激到令人有毛骨悚然嘅感覺。」梗係啦，摩打脷共有10片舌頭形「扇葉」，一開就令人爽到唔識停，女人一定鍾意。

快感度：★★★★

抵買度：★★

方便度：★

No.4：水蛇春震鏈

名稱：Breeze Power Bullet Vibrating Booty Beads

售價：￡22.99 （約HK$264）

唔少重口味玩家都鍾意走後門，呢款「水蛇春震鏈」，頭部係子彈形震蛋，後段係可彎曲後庭珠，進入後門後可以邊屈邊震，角度幾刁鑽都得，仲可以拆開使用，呢啲咪叫Flexible囉！

快感度：★★★★★

抵買度：★★★

方便度：★

No.5：座地重炮王

名稱：Angel of Passion Sex Machine

售價：￡329.99 （約HK$3,795）

呢件座地式推進震動性玩具，玩法就好似收身騎馬機一樣，炮頭角度可150º調校，不過冇得坐，只可以紮馬式或平躺時使用，用嚟訓練騎功一流。用家最Buy佢有4款可換式插頭，隨意選擇粗幼造型。產品可無線操控，有輕、中、重3段衝力，加上乾濕電兩用，幾時有需要都唔使怕！

快感度：★★★★★

抵買度：★

方便度：★

騎呢款 冇人Buy

英國妹介紹嘅性玩具抵玩又好用，而美國網友早前就發表咗一篇全球25件最令人不安嘅性玩具，重口味之餘外形又唔討好，難怪個個都話要Dislike，以下5款可謂騎呢之最。

Area 51吹氣娃娃

Area 51係美國內華達州一直盛傳有外星人居住嘅地區，呢款玩外星人噱頭嘅吹氣公仔，紫灰膚色兼有3個波，真係睇見都想嘔！

豬尾後庭塞

後庭塞點解要設計成豬尾咁樣？莫非真係有人變態到想同隻豬玩？

水龍頭手銬

呢個好似水龍頭嘅手銬用於玩SM時迫令男方不能勃起，慘痛程度比不舉猶有過之，當然冇人鍾意。

後庭鴨仔

本來係一件醫療用品，玩家藉擴張「菊花」作刺激，真係諗起都覺得痛！

震動窺陰器

長4吋，頂部有鏡頭、震蛋及發光功能，用以放進女士體內「窺」探其生理反應變化，用嚟研究人體奧妙咩！