世界波：裝胸作勢36DD最啱睇

美國男人一向都唔介意女人隆胸，佢哋覺得大波嘅女人充滿吸引力，就算係假嘅都好過冇。不過世界追求天然成潮流大趨勢，愈來愈反對人工僭建假大胸，所以近年四仔界嘅女星，雖然照樣造假，但都唔敢假得太過分，36DD就啱啱好，既可滿足睇肉嘅影迷，又同現實相去不遠。

今日出場嘅4位女星，全部都係36DD嘅代表人物，最難得係4位女星都異口同聲，唔承認自己對波經過後天加工，死口話係天然貨色。咁又難怪嘅！佢哋靠對波搵食，如果可以以假亂真的話，隨時可以吸納更多影迷捧場，片酬都可以企硬啲啦！

Gemma Massey 假的真不了

Gemma喺人前人後都堅持自己對胸係真貨，雖然佢已經廿幾歲人，但聲稱自己仍然不停發育，肉球一日比一日大，明眼人都知係咩事。不過Gemma絕對係一個戲子，無論其他人點講都好，佢都統統否認有做過手腳，仲話自己係素食者，唔會做一啲違反自然嘅事。至於對波一日比一日大，完全係自己每日用天然香薰油按摩得嚟嘅成果，乜啲對白咁似G奶歌后嘅！

三圍：36DD-25-36

身高：5呎7吋

年齡：25歲

Carmel Moore 波大會冇腦

Carmel話「波大冇腦」係真嘅，因為佢話自己天生就係冇腦嘅女人，淨係鍾意做愛，唔鍾意思考，所以佢對波咁大自然係堅嘅，如果唔係佢點會咁冇腦喎！竟然咁嘅藉口都諗到，真係唔可以唔寫個服字畀佢。佢仲話有腦嘅女人，就唔需要靠對波嚟搵食，佢既然天生有對咁正嘅大波，梗係要用佢嚟搵錢啦！就係呢份對性愛嘅熱誠，令Carmel每次肉搏都會散發超強熱力，融化咗好多影迷嘅心。

三圍：36DD-24-34

身高：5呎5吋

年齡：27歲

Hannah Harper 我有我態度

Hannah一向我行我素，佢入行以嚟都得罪唔少大公司，幸好佢有一對假大胸，同埋一雙美腿，吸引好多影迷捧場，如果唔係早就畀人放入雪櫃。不過佢唔覺得自己嘅人緣有問題，只係覺得其他人同佢溝通唔到，好似佢話自己對波係堅嘅，從來都冇人信，但佢仍然死撐，仲話其他人妒忌佢對波大細啱啱好先故意中傷佢！可能就係呢份真我態度，令佢嘅床戲有份獨特嘅真實味道，搞到好多影迷都勁欣賞佢。

三圍：36DD-24-35

身高：5呎6吋

年齡：30歲

Sophie Dee 擺明講大話

有睇過Sophie嘅四仔，都知道呢個女星嘅特點就係唔止對波假，連雙眼都做過手腳，大到好似合唔埋咁有啲嚇人，所以佢話自己對波係堅嘅，一啲都唔奇，因為佢對眼長期都咁大，講大話時梗係擘大眼啦！雖然有影迷話佢可以轉行拍恐怖片，但仍然有一班死硬Fans讚佢「眼仔睩睩，勇往直前唔退縮！」聽到呢句口號，就知佢床上表現有幾勇猛，分分鐘砌到男優嘔白泡都未肯收手。

三圍：36DD-26-36

身高：5呎4吋

年齡：27歲