深圳妹搶爛市
各行各業都有搶爛市情況發生，援交界亦唔例外，呢排有班深圳妹、福田妹以個人遊身份落嚟跑幾日，以超平價拉客，擺明搶飯碗！
本來我一向都冇妒忌過班北妹身材好，床上功夫掂，冧佬技巧夠騷，反正大家各有各做，從來河水不犯井水，但係嗰班深圳妹為咗喺最短時間內搵最多錢，竟然劈價搶客，超嬲囉！
話說早幾日本來約咗個客喺灣仔一間星級酒店見面，價錢已經傾好晒，點知早一晚收到對方嘅Call，要求我減兩千蚊，我心諗佢係咪飲醉酒？佢話有個深圳妹波大過我，又年輕過我，只係開價千二蚊，仲要送環保吹服務。最後我企硬唔肯減價，結果個客就取消交易兼Cut線。就係咁，我冇咗單生意，個客畀深圳妹搶咗，唔扯火就假！