僭建累事
我DaDa姿色出眾，一直都不乏追求者，不過我依家搵錢為重，暫時唔會拍拖。但係我個姊妹就啱啱相反，佢成日掛住拍拖，推晒客人嘅Booking，有錢都唔賺。我有勸過佢唔好太過投入感情，當然佢完全聽唔入耳。咁都未算，為咗冧仔，佢竟然花大筆錢走去隆胸，點知男友嫌佢胸硬，結果飛咗佢。失戀之後，佢重新接客，諗住對波大咗，會更加討客人歡心，但事實剛剛相反，嗰日收到佢電話，話畀個客彈鐘不特止，對方仲要周圍唱佢打假波，結果呢排一單生意都冇。呢個姊妹平日使慣用慣，家陣冇晒收入，真係手停口停，呢鋪佢真係人財兩失。所以奉勸各位姊妹千祈咪為仔死為仔亡，好似我咁，努力搵錢好過！