世界波：裸體雪橇賽肉球亂飛

一年一度嘅德國裸體雪橇賽，已經舉辦到第4屆，參加人數一年比一年多，今年就有超過5,000人登記，不過最終入選嘅只得30幾名男女。呢班人絕對唔係唔怕凍或者唔怕死，只不過佢哋愛赤裸多過着衫，而且畀體內嘅一團熊熊慾火燒到慶合合，就算做人肉雪球都一樣冇有怕。

比賽嘅舉辦地點位於德國中部，為咗谷起旅遊事業，旅遊部門諗到呢個咁特別嘅比賽，結果大受好評。今年嘅參賽者比往年更加多元化，除咗普通人之外，當地嘅脫星都一齊參與活動，再加上有超過4萬人圍觀，幾乎逼爆雪山，令到賽事氣氛十分熱鬧。其中多名女參賽者身材好有睇頭，搞到好多專登嚟女嘅男人鼻血直流。

第一圈：雪地裸跑

任何運動都需要熱身，否則好易受傷，今次仲要赤裸裸喺雪地比賽，所以第一圈一定要所有參賽者，無論男女都出嚟跑圈。天寒地凍之下，難免有女人頂唔順，想搵個裸男攬吓取暖。一眾裸男當然唔會拒人於千里之外，於是好多男女一邊跑、一邊攬埋一舊，隨時未比賽就已經擦出火花。

第二圈：春色無邊

裸跑完，唔少身材壯碩嘅裸男，一個箭步就趴上雪橇，向山腳俯衝，不過啲裸女就驚青啲，淨係坐上雪橇都要花一輪時間，對於現場（目及）嘢人士嚟講，就正中下懷，最好班裸女再雞手鴨腳啲，咁佢哋就可以（目及）得耐啲清楚啲！最終有啲裸女決定兩個人坐一隻雪橇，一邊滑一邊大叫，好似坐過山車一樣。最抵死就係佢哋心口兩團肉，不停上下抖動，搞到整個雪場立時春色無邊！

第三圈：加速出軌

一眾裸男裸女當進入比賽末段，就開始見真章，事關比賽勝出者，可以獲得€1,000獎金（約HK$10,210），捱得咁辛苦，當然想攞獎金補番數啦！所以好多人為咗加快落山速度，都會不顧一切咁加速，結果搞到一仆一碌，多對肉球跌晒喺雪地上，有唔少男士借意幫手，其實係想乘機玩雪球。好彩嚟得參賽嘅裸女都係玩得之人，唔會介意你手多多，不過就介意你阻住佢比賽，所以有興趣溝女嘅男士們，最好等比賽結束後，先慢慢下手都未遲！