世界波：慕尼黑綑綁大會全民鬥紮

見到有人被麻繩五花大綁，小弟通常會諗起將要被浸豬籠嘅奸夫淫婦，又或打敗仗被活捉嘅將領，總之就係慘情啦！不過，喺呢個世界上，卻又有好多人畀人綁到大閘蟹咁動彈不得依然笑得好開心，皆因佢哋最鍾意玩「繩縛」呢種愉虐玩意，想學嘢？當然要去德國嘅BoundCon繩縛會議見識吓啦！

睇親重口味四仔，經常都會見到男優出動大麻繩，將女優五花大綁，不過此系列有兩個極端，一係女優痛苦到眼淚直流；一係女優就表現得無比享受，睇邊一種當然悉隨尊便。而小弟一直都好想學習一下後者，因為眼見男優將女優綁成咁，女方依然咁開心，自然係一門可以令女性愉悅嘅法子，當然值得學。如果大家都有同感，不妨去慕尼黑參與第9屆嘅BoundCon繩縛會議。

專家撐場

「繩縛」（綑綁藝術）雖然同重口味嘅SM脫離唔到關係，但玩綑綁唔一定代表變態、虐待，只要玩得其法，自會引爆箇中樂趣來。而為咗推廣綑綁嘅趣味，喺2004年開始，就有人舉辦世界知名嘅大型BDSM（皮繩愉虐）盛事 ─BoundCon繩縛會議。

而今年嘅一屆將於5月11至13日舉行，據稱落實表演嘅嘉賓包括Lew Rubens、Claire Adams、Drea Morgan等，個個都係繩縛大師。佢哋每位都會上台展示一手高超嘅繩縛絕技，仲要一邊示範，一邊講出要訣，就算唔想學，單係睇模特兒被紮到雙峰激凸都好過癮。

繩樂無窮

專家們除咗會上台教授絕技之外，於台下亦會繼續表演看家本領，參加者不難見到會場內四圍都有靚女模特兒被五花大綁，有時更加會見到有人被綁住再吊高，仲有SM女王向佢揮鞭鞭打。不過大家唔使擔心，因為被鞭者往往係歡樂多過痛苦。另外，識得綁都要識得解至好玩，近年來，舞台上又多咗個玩意，就係搵人表演解繩之法。例如由專家將兩名俏麗美少女綁埋一齊，然後等佢哋發揮互助精神，互相解繩。

親嘗被綁

參加者可以邊睇邊學，若然想親身感受何謂綁得好，亦可要求專家出手綁你，親嘗被綁滋味，同時又可以近距離觀看專家嘅專業綑綁手法。若然你一心諗住親嘗被綁及被虐嘅滋味都一樣冇問題，因為場內有好多SM女王唔介意鞭你幾下。

除咗會場嘅示範攤位以及舞台外，連去餐廳亦可以享受綑綁樂，因為就連餐廳都有綑綁遊戲玩。餐廳嘅天花板會吊住好多德國傳統麵包Pretzel免費畀客人品嘗，不過前提係客人要接受五花大綁，之後抬高頭用口咬，都好高難度o架！