早前警方落區掃黃，拉大隊衝落砵蘭街逐間馬檻掃場，搞足幾粒鐘只拉咗8件北妹，於是又拉隊落尖咀嘅「香檳」再掃，大家都知道嗰度係鳳姐聚集之地，要拉北姑，真係一架雙層巴士都坐唔晒，不過最後只係帶走咗12個囡囡。
唔少網友睇到呢單新聞之後，就話今次嘅掃黃行動超奇怪，馬檻屬於色情場所，進行掃蕩拉人冇問題，不過鳳姐一個人坐喺架步裏面，當時又冇客人或者放蛇頂證，家陣隨隨便便就拉人，似乎有點兒那個喎！所以有網友就懷疑因為喺馬檻拉唔夠人數，就搵鳳姐嚟補數，如果係咁的話，我犀利哥真係戥呢班鳳姐唔抵囉！