中門大開
超能力之戰向來係日本動漫嘅一大主題，而喺芸芸同類作品中脫穎而出，不論人物設定及故事，都一定有佢嘅優點，好似去年11月推出嘅《Gulity Crown》咁，以出賣及利用朋友作為喚出超能力嘅媒介，題材夠邪惡，加上女角色身材正斗，難怪人氣高企。
當中嘅女主角楪祈係個戰鬥複製人，外表冷若冰霜嘅佢，身材火辣，非常誘人。至於呢個楪祈首辦模型，以動漫中戰鬥造型為藍本，穿上一套極度性感嘅戰衣，由心口開到落肚臍，露出大半球同白滑肚皮，相當養眼，加上模型手工精緻，充滿飄逸動感，粉絲點可以唔買返屋企收藏呢？