唔怕機械妓女
有報道話2050年會有仿真度超高嘅美女機械妓女面世，屆時年齡、身材、性格及床上喜好等都可以任君選擇。不過，唔少姊妹都極之反對製造機械妓女，擔心會畀佢哋搶晒啲客喎！但我就唔係咁諗喇，反而希望機械妓女快啲推出添！佢哋始終係機械人，即係冇靈魂同情感，男人對住一件機器搞嘢，試過一次就唔會再有性趣。要知道男人召妓嘅目的，除咗解決生理需要外，亦想喺女方面前盡顯雄風，滿足心理，呢方面機械人一定滿足唔到男人囉！而我吸引到咁多客人，係因為我有性格，喺客人面前扮高竇，唔會咁易迎合佢哋嘅要求，學兩性關係導師話齋，只要男人跌得愈多，先愈覺得你重要，我唔需要客人珍惜我，只要佢哋返轉頭搵番我就夠喇！