抽水女拳王
打Boxing一向都係美國人最熱愛嘅運動之一，不過女性打Boxing始終唔夠男人Hit，因為女人好怕畀人打傷塊面，到時就算幾瘦都補唔番。不過最近有間拳擊中心，卻推出一種新嘅拳擊玩意，專門打女學員主意，事關所有男教練全部都係打不還手、罵不還口嘅大隻仔，任你打，任你抽水，梗係多女人報名啦！
邊出拳邊抽水
呢班教練全部都經過拳擊會精心挑選，個個都係有身形又有樣貌之人，仲好有耐性同紳士風度，任得女學員動手又動口，總之訓練全程都打不還手，而且更會任由好色女學員抽水。咁樣學拳法，梗係正斗啦，又可以瘦身，又唔怕整傷塊面，仲可以一邊抽水、一邊打拳，簡直係人生樂事！