世界波：10 種慾女 要識湊

人有九型人格，原來女人都有10種性慾格？報稱專門研究兩性關係及女性高潮嘅性學家Gabrielle Moore，早前就發表咗一篇《10 Libido Types》教授男人分辨女伴性慾格，性學家話清楚歸類後，再難搞嘅女人都可以成功撻着，高潮滿瀉喎！

性學家Gabrielle Moore單刀直入話，現今男女於性事上只着眼高潮次數，反而忽略最重要條件「性慾」（Libido），因為只有喺過程中性慾不斷提升，高潮至有機會出現，而專家認為不同女人有不同性慾格，主要按過去經驗而定，大致可分為10種。Gabrielle話佢係經過多年嘅臨床研究經驗及訪問得出結果，大家如果有興趣，不妨喺下次上床時分析吓女伴，睇吓呢套理論啱唔啱，如果真係掌握到對方嘅性愛特徵，咁以後嘅性愛自然如魚得水啦！

1.The Sensual Type 感性型

呢種女人凡事感性行先，天性愛浪漫，Mood到先肯搞，而每次上床前都準備多多，例如要飲酒調情，玩吓互餵生果、朱古力，假如男伴唔領佢情，想佢有高潮都難！要對付佢哋惟有投其所好，皆因當你於前戲滿足咗佢，咁下半Part就可以到你話事。

2.The Erotic Type 色情型

色情非指佢為人淫蕩，而係指女伴於床上愛挑戰同冒險。男人得閒要搞吓新意思，例如玩吓車震，或喺公眾場合做啲過激行為，保證令佢冧爆！喺香港地少人多好難有機會實踐，專家話拍吓情慾裸照都同樣有效喎！

3.The Dependent Type 依賴型

床上極度依賴男性主導，假如你唔叫佢做，佢可以攤喺床上直至你完事。由於佢缺乏規律性關係，最有效解決辦法係多啲帶佢做運動，好似行山跑步，等佢變得活潑啲，而開始前則可以幫佢按吓摩，令佢更易放鬆，集中精神做愛。

4.The Reactive Type 互動型

呢種女人好實際，奉旨唔會欠咗你。你幫佢捽時，佢則會用波地服侍番你，絕對係可遇不可求嘅對手。問題係你要清楚自己耐力，否則撻着咗佢副偈，自己卻提早派彩，咁鬼掃興，佢唔嬲至奇！

5.The Entitled Type 權力型

乜都要話晒事，床上誓要對方先滿足自己，先肯作出貢獻，但呢種女人有樣好處，因為佢唔衰得，因此性技非凡，事必要令你滿意為止，而且每次上床總會有驚喜，但同樣你都要經常諗一啲新刺激回應佢，所以做性伴好過做女友！

6.The Addictive Type 成癮型

呢種女人一係唔玩，一試過就非常沉迷，你滿足到佢就冇問題，對住呢種性愛成癮嘅女性，千祈咪一次就玩盡十八般武藝，以免無以為繼。

7.The Stressed Type 壓力型

生活及工作壓力令呢種女人對性事提唔起勁，實際上佢哋都有需要，不妨透過旅行或共同嗜好入手，令佢哋投入，又或多啲心靈交流，若然長時間冇改善就要求醫協助。

8.The Disinterested Type 冷感型

對佢哋嚟講性愛係多餘之舉，雖然都會有生理需要，但佢寧願自慰解決，如果有男伴在旁，或會希望你幫手解決，但完事即瞓，想攬吓錫吓就唔使諗。

9.The Detached Type 獨立型

佢哋討厭談情，迴避床上活動，皆因拍拖同做愛要付出太多時間及精神，令佢哋失去做其他事嘅機會。所以要搞呢類女人，衰啲講要提早預約，事前要做足準備工夫，熄晒電話、電視、電腦等，最好遠離熟悉地方，出去爆房就最啱！

10.The Compulsive Type 強迫型

女人有戀物癖咪以為好過癮，到你要滿足佢時就知痛苦，專家話遇得最多係戀物女，就算床上男人再猛，都事必要用震蛋夾擊方有高潮，假如攞走震動器會性趣盡失，令男伴好冇癮。