世界波：愛的海綿騷脫星大整蠱

坦白講，小弟已經好耐冇睇電視，皆因家陣嘅電視節目真係完全引唔起我嘅興趣，唔通屋企部電視注定要發霉？如果香港都有得睇鹹趣又搞笑嘅美國《愛的海綿騷》（The Bubba the Love Sponge Show）就好啦！

自從進入網絡時代，出現唔少將電視、電台集於一身嘅新興媒體，而美國TAMPA網上電台就係其中之一。TAMPA發展於2008年，本來係美國佛羅里達州其中一個電台，後來開始做埋網上電視直播，而其中最出位嘅節目就叫做《愛的海綿騷》（The Bubba the Love Sponge Show）。

大受歡迎

其實Bubba一字係取自節目其中一位創辦者嘅名字Todd Alan Clem Bubba，節目初期為咗吸引聽眾，特別請來四仔脫星進行專訪，之後收到意見話單係聽脫星把聲唔夠過癮，咁啱TAMPA想發展埋網上電視，所以就將脫星專訪以視像直播形式進行。

因為節目廣受歡迎，之後更加插遊戲環節，主要請來自命打不死嘅勇士「嘗試」類似《死蠢鬥一番》嘅瘋狂玩意，例如勇士們會被五花大綁，再畀人亂槍掃射，雖然只係用汽槍，但係足以令人痛不欲生。

層出不窮

Bubba能夠搵到咁多脫星做專訪，仲唔乘機用盡佢哋咩，所以後來又創作出惡搞脫星嘅《愛的海綿騷》。此節目以整蠱脫星為樂，而整蠱方法則層出不窮，而且極盡香艷之能事。

其中最出位嘅環節，就係要脫星潛水尋震棒。脫星事先需要蒙眼，然後就要從裝滿水嘅膠箱中，閉氣伸個頭入去，用其上乘口技咬出沉於水底嘅震棒。咬得到就固然冇事啦，但咬唔到就弊喇，因為失敗者將會被在場其他脫星齊齊用震棒震到飽。

亦有一個擊「股」鬥大聲環節，脫星要露出個優質股，然後再由毫不憐香惜玉嘅打屁股專家，手執打屁股專用嘅膠拍拍打，再由分貝計測出擊「股」聲有幾大。仲有一個考體力嘅環節，就係跳鋼管舞。脫星要即場表演鋼管舞藝，不過跳得幾叻都好，原先講好嘅獎品其實都係呃人嘅，即係跳得幾好都係得個「吉」，認真大整蠱！