世界波：五感調情

提起性愛前奏（Foreplay），你會諗起乜？愛撫、口舌服務、攬攬錫錫、調情按摩，如果你都係咁諗未免太膚淺。西人玩前奏，原來單係搞囡囡嘅眼耳口鼻，甚至頭髮已經可以令對方欲仙欲死，唔信？睇吓專家點玩，學番一招半式冧女啦！

喺床上要令女人有高潮，前奏一定唔少得！但基本嘅愛撫、口舌服務，原來性學家認為仲未夠，至少要玩盡全臉至得！事關5感：視、聽、嗅、味、觸覺都集中喺臉部，因此要成功撻着女方進入作戰狀態，性學家Michael Webb早前就發表咗一篇文章名為《Top 5 Erogenous Zones On Her Face》，專門教你針對囡囡頭臉嘅調情技巧。

鼻 Channel for Scents 氣味通道

鼻除咗用嚟呼吸之外，仲可以用嚟聞！假如想囡囡盡快進入作戰狀態，性學專家話最有效嘅方法，就係畀香味女方聞。初學者由於經驗淺，可以先挑選一啲女方平日愛用嘅香水或坊間嘅催情香薰，重點係唔好貪心用過量，否則會有反效果。

玩法方面，先要求囡囡閉起雙眼，男士將香水噴喺自己身上，然後貼實女方上半身摩擦，產生熱力令香氣揮發，如選用香薰就可以搽一至兩滴喺鼻尖，然後同對方鼻貼鼻打圈，直至女方有反應為止！

耳 Receptor of Dirty Talk 露骨情話

男女都知道耳仔好敏感，尤其耳背位置簡直係女人「死穴」，可惜錫耳仔未必人人接受得到，有啲女人更會因為覺得唔舒服或尷尬而抗拒，為免破壞氣氛，專家指可改用手指愛撫作刺激。

做法非常簡單，於手指薄薄哋搽上按摩油，手指公同中指先按壓女方耳珠、開始發熱後，食指可以探入耳窩內輕掃，女伴有反應後，可用雙手夾擊，又或者一邊捽，另一邊「咬耳仔」講吓淫嘢，保證令佢慾火飆升！

眼 Windows to the Soul 靈魂之窗

視覺帶嚟最直接嘅影像刺激，男方可要求女伴先閉起雙眼，然後男方開始溫柔輕吻佢，手指同時順住眉毛按壓，令女方放鬆。由於囡囡雙眼閉上，感覺會變得特別敏感，假如你把握機會親吻佢，會令佢更易動情，高潮都嚟得快啲。

嘴 For Spit Swapping、Licking、Sucking & Biting 輕咬淺啜

兩個人嘴對嘴除咗可以錫、啜、咬，仲可以點玩？答案係餵食。專家表示同一對手錫得多刺激度會大減，呢個時候要透過味蕾幫手，男方可嘗試口含冰粒，餵畀對方，對方再餵回男方嘴內。如嫌冰粒太刺激，可改用朱古力，事關朱古力會令人心情亢奮，對助性非常有幫助，又或按女方飲食喜好，換上士多啤梨或糖果等。

髮 The Seat of the Senses 髮動心動

根據性專家講，頭髮可以令床上樂趣無窮。通常玩法係用女方嘅頭髮刺激佢五官，好似耳仔同鼻孔，令佢受唔住起「雞皮」，呢個時候唔好畀佢停，執起女方頭髮向上捲起成「拳頭」狀，再放喺佢臉上自由散開，跟住咀嘴，突如其來嘅刺激最令女士慾火爆發。

若然頭髮長過胸，可以髮尾輕掃咪咪，最好係同女士保持頭貼頭，眼神交流，用髮尾掃佢嘴角，再講啲浪漫情話，會令女人覺得你好珍惜佢，最佳肉搏時間正式展開。