北夜天：東莞 迷魂妹出擊

早前有報道東莞再現迷魂黨，提醒大家切勿飲用陌生人提供嘅飲料。而當地一位夜場經理就表示，有部分街女可能係迷魂妹，所以呢期大家上去玩就要小心提防呀！

近日有傳東莞夜場一帶出現迷魂妹，佢哋企喺街頭扮等人，見有獨行男士就會主動搭訕，以平價肉金吸引客人，如果客人唔啱心水嘅話，囡囡表示可以Call其他姊妹過嚟睇辦，見客人有意思，囡囡就會提議到附近餐廳或酒吧坐低邊飲邊等，然後趁客人唔為意時喺飲品度加料，當客人飲咗幾啖後，便暈倒失去知覺，醒來時身上嘅銀包同手機不翼而飛。

香口膠加料

對於迷魂妹出沒，有爸打半信半疑，甚至有人認為係惡搞，但據當地一位夜場經理表示，曾經有玩家中招，所以提醒爸打千祈咪亂信街頭囡囡，不論三五成群或單獨一人去玩，見到街女咪口花花撩對方，事關啲迷魂妹着得超性感嚟引人注意，若然有男人主動上前兜搭的話，囡囡就會好主動請食煙或香口膠，跟住一分鐘唔使個男人就會開始迷迷糊糊！

經理仲話：「聽聞囡囡喺啲香煙或香口膠度加料，只要你吸兩口，或o趙兩o趙，包你暈得一陣陣。」經理提醒，有啲囡囡會主動出擊，從後叫住路過男途人，當男方停低轉身時，囡囡就會向佢噴迷魂煙，吸入後冇耐就會暈倒，而囡囡就會趁機偷晒男途人身上嘅財物。所以各位爸打上去玩咪貪圖美色同貪小便宜啦！