世界波：四仔漫畫風性愛救地球

美國嘅漫畫英雄深入民心，除咗荷里活電影鍾意攞嚟做題材之外，原來有好多四仔女星都係漫畫迷，佢哋當中有部分人嘅氣質仲同漫畫人物有幾分相似，不過論到床上功夫，就隨時贏足幾條街。最近就有四仔片商有意開拍一系列全新嘅漫畫四仔，滿足動漫迷嘅癖好之餘，更可以滿足女星扮漫畫女英雄嘅欲望。

其實之前都有片商出過一啲以漫畫英雄為題材嘅四仔，但唔係系列式作品，亦唔算大堆頭製作，今次由DP構思嘅系列式漫畫四仔，單係喺製作上已經為觀眾打咗支強心針，而選角方面更落足眼力同心思。

入型入格

當中最令四仔迷興奮嘅，就係Alexis Texas扮Invisible Woman、Kagney Linn Karter扮Ms. Marvel，仲有Kayden Kross扮Mockingbird。未着上套制服，女星們已經有種入型入格嘅感覺，再加埋套制服同化妝，隨時令動漫迷蠢蠢欲動，恨不得衝入銀幕，同一眾漫畫女英雄大戰連場。而四仔片商更有意等荷里活套《復仇者聯盟》上畫先，然後再食住條漫畫英雄水推出四仔，實行賺個盆滿缽滿。

搞Cosplay大事宣傳

除咗透露選角，令好多四仔迷期待不已之外，片商更會定期搞動漫Cosplay活動，搵啲二三線女星大玩漫畫Cosplay，再邀請影迷參與。現場女星嘅造型性感到暈，仲要大擺出位甫士，任影唔嬲，幸運嘅影迷更有機會近距離接觸女星，同佢哋上演英雄救美場面，有咁好玩嘅活動，梗係吸引啦，難怪宣傳活動大收旺場，更有影迷即場落訂預購一系列漫畫四仔添！

性商店加入戰團

既然係一條財路，自然吸引來自四方八面嘅人馬抽水，好似專賣性商品及性感制服嘅網站「Sex Toys」，最近就推出一系列全新訂製嘅漫畫人物性感戲服，等啲影迷可以買番套返屋企，同女伴大玩角色扮演。

據網站負責人表示，漫畫人物性感戲服一向都好賣得，不過為咗配合近期嘅漫畫熱，廠商自然做定批新貨，滿足客人要求，無論用料及性感度，都比之前嘅制服正好多，一眾漫畫四仔迷又要破財喇！