艷舞Dancing Queen 劈腿．吞劍．玩噴火
一提起美國芝加哥，好多人仲停留喺黑幫時代嘅罪惡城，不過隨住時代變遷，依家嘅芝加哥已經係美國嘅工業重鎮，但作為黑幫發源地，入夜之後嘅節目當然唔會少。當中最受歡迎嘅艷舞俱樂部，更係多到數唔晒，每年更會舉行艷舞女郎大賽，雲集全城最Top舞孃，齊齊瞓身爭取一姐銜頭。
呢個艷舞一姐銜頭之所以咁多舞孃爭奪，其實都係錢作怪，事關邊個有本事贏得冠軍，除咗有3萬美元獎金之外，仲可以得到價值30萬美元嘅俱樂部舞孃3年合約，即係每年有成10萬美元年薪，仲未計貼士，唔怪之得咁多人爭。
帶動氣氛
有去過美國睇艷舞嘅朋友，都知道當地好多艷舞女郎嘅身形其實唔算好Fit，甚至睇落有啲肉地！不過美國男人就係鍾意佢哋有肉感，所以能夠贏得冠軍嘅舞孃，未必係身形最Fit嗰個。最緊要係懂得喺台上製造氣氛，舞姿夠淫夠新奇，令台下觀眾興奮大叫，咁就最易獲得評判歡心，事關評判全部都係俱樂部老闆，喺佢哋心目中，能夠牽動觀眾情緒嘅舞孃就係最佳舞孃。
出盡法寶
為咗爭取呢份3年高薪合約，舞孃們一上台就施展渾身解數，甚至拎出各式各樣嘅道具配合舞蹈，為觀眾增加視覺及官能刺激。「瞓身劈腿」已經算係基本動作，有啲舞孃更會出動火棒，一邊噴火、一邊倒吊鋼管上，真係睇到班觀眾目不轉睛；另外亦有舞孃會表演帶有淫褻味道嘅吞劍，搞到台下班男人心癢難耐，睇得更加興奮。
錢途無限
今屆被大會選為2011年度鋼管舞技最實淨嘅舞孃名叫Morgan Massi，佢嗰招腋下夾鋼管，然後於半空中Hold住擺甫士嘅絕招，贏得現場觀眾好多掌聲，所以得獎絕對係實至名歸。而唔少玩噴火、吞劍嘅舞孃則得到創意表現獎，雖然冇10萬美元年薪合約作獎勵，但俱樂部都會因應表現考慮加佢哋人工，甚至有唔少舞孃會被在座嘅老闆睇中，撬佢過檔甚至請返屋企作私人表演，結果一樣「錢」途無可限量。