睡美人林筱諾
今日介紹一位現時活躍北京模特兒界嘅人氣Model畀大家認識，佢就係嚟自潮州嘅靚女林筱諾，今年21歲，由於佢天生條件優厚，氣質獨特，入行冇耐，已經成為知名網拍模特兒，而佢打扮時尚，被視為潮流指標，所以不單止深受男粉絲歡迎，連女粉絲都視佢為偶像。不過，筱諾竄紅之後，冇話將性感尺度收緊，反而更加開放，周不時都有超性感嘅寫真推出，真係睇到人流晒鼻血。筱諾身高170cm，單係一雙修長美腿已經夠晒煞食，加埋玲瓏浮凸嘅身材，真係極之誘人，而且喺高清畫面下更發現佢嘅皮膚白滑無瑕，有記者問佢有乜保養心得？佢話最緊要有充足睡眠，原來筱諾冇嘢做就會瞓覺，瞓足十幾個鐘都得，即使工作忙碌，佢都會忙裏偷睡，佢話有時偷十零分鐘眠一眠，即時回復精神，好過瞓成晚添！
林筱諾Profile
出生地：廣東潮州
三 圍：33-24-35
身 高：170cm
興 趣：旅遊、睡覺