我和Pornstar有個約會

美國成人業之所以咁發達，除咗業內有好多質素高嘅四仔女星，同埋創意無限嘅製作人才之外，最重要係有班忠實Fans捧場。而女星們除咗拍片之外，仲好識得利用各種渠道，滿足Fans慾望，令佢哋死心塌地。

好似Brazzers呢個出位成人網站，就會定期搞啲好有噱頭嘅女星活動，畀忠實影迷參加。其中一個名為「我和Pornstar有個約會」嘅活動，就吸引咗幾千人報名，當中會抽出一位幸運兒，同自己心儀嘅Pornstar約會、拍寫真、拍Video，仲可以春風一度，對影迷嚟講，簡直幸運過中六合彩！

任（目及）好滿足

行程第一站就係幫女星拍寫真，大會早已安排好一間靚屋，所有攝影器材同埋一個助手，你就算唔識影相，都可以喺助手協助下影到靚相。但其實Fans都醉翁之意不在酒，佢哋最在乎嘅係能夠近距離（目及）女星嘅全相，所以現場所見，影迷拍攝唔係高角度就係低炒，一於（目及）個不亦樂乎，將女星裏裏外外都睇得清清楚楚，滿足視覺欲望。途中更可以教埋女星擺甫士，乘機抽水，連手癮都滿足埋！

正過睇3D

第二站就係拎住攝錄機拍低女星一日嘅行程，期間有機會深入四仔嘅拍攝現場，仲可以化身記者進行訪問，甚至入埋佢嘅化妝間，總之影迷當日完全大晒，跟住女星去邊都得，滿足晒影迷嘅八卦欲。最難得係能於現場親眼睇住女星同男優肉搏，直情立體過睇3D四仔。影迷如果夠膽的話，隨時可以自薦加入做配角，為心儀女星出一分「力」。

埋牙即腳軟

當然成個行程最重要嘅一部分，就係入夜之後，同女星上床肉搏啦！不過好多影迷反而去到呢個部分就會腳軟，事關女星床技出眾，平時以一敵十都面不改容，影迷只不過係普通人，自然容易緊張、膽怯，所以有唔少影迷都會臨「床」退縮，溜之大吉。就算真係夠膽上床埋牙嘅，好多都表現得比平時差，甚至變身快槍手提早離場。